و السبب انه بيصيب الحيوانات العشار ويتسبب في اجهاض جماعي زي البقر والجاموس والغنم والجمال تصاب وان كان اكترهم اصابة هي الاغنام  واقلهم الماعز

السبب هو بعوض اسمه الايديس ..وده داهية بقي ليه لانه بيحمل الفيروس وبينزل للبيض بتاعه ..فتفقس يرقات محملة بالفيروس بردو  ..يعني وسيلة نقل المرض متواجدة دايما

الانسان يصاب ازاي

اما بعضة  الحشرات المصابة والحاملة للفيروس

او الاحتكاك بالحيوان المصاب.. ممكن ملامسة الدم او الاجنة الميته او لو فيه جرح في الجلد وحصل ملامسة او شرب لبن غير مغلي   او وقت التلقيح

واكتر الناس اصابة هم البيطريين والجزارين والجساسين والمتعاملون بشكل مباشر مع المصاب

فترة الحضانه من ٢ الي ٦ ايام في الحيوان

والانسان المصاب ممكن يفضل حامل الفيروس ١٠ ايام وقادر يعدي شخص اخر

والاعراض بتبقي زي اعراض الانفلوانزا مع نزف دموي ممكن من العين ممكن من الفم  او اللثة او مع البول

مع سخونية والتهاب سحائي و ورم  بالدماغ  و اصابة الجلد بنوع من الطفح اسمه طفح  فرفري  زي الصورة. كدا

المرض ده منتشر بس في اماكن زي العراق والكونغو والصومال و  السعودية اللي فيها حشرة الايديس دي منتشرة.  يمكن المشكلة اكتر ان بيض الحشرات المصاب بالفيروس لو فضل في تربة جافه سنين يفضل حامل المرض واول ما تسقط امطار يحدث فقس له وتخرج يرقات جديدة محملة بالفيروس والحمد لله مش موجود بمصر دا غير اننا بنحصن اساسا ملازمة مع الحمي القلاعية بتحصين حمي الوادي المتصدع

 من الاخر حمى الوادى المتصدع والبلاجرا والطاعون تم ابادتها فى مصر ومعظم دول البحر المتوسط وان كانت تكثر فى جنوب افريقيا

موضوع اللحوم بقي

اما لو اي حيوان مصاب باي مرض اصلا مش هاكل من لحمه خاصة لو الاصابة بمرض خطير و بيتنقل للانسان ودي فكرة انك تشتري لحم من حد موثوق فيه دابح بمجزر  وواخد صلاحية البيع

الصورة دا بسبب قرص الحشرات المسببة  للمرض فبتعمل نزف تحت الجلد ويبان شبه الحرق كدا والمرض مش منتشر هنا عشان نرهب الناس

دا كان  في الصومال والسعودية والكونغو والعراق ولو حصل لا قدر الله وانتشر المرض هنا هيبقي فيه تحذيرات مشددة زي ما بيحصل برة في البلاد دي بيتم التحذير من خلال الصحة والمطارات وكذلك الطب البيطري كما يتم مكافحة الحشرات بشكل مجدي للتقليل من انتشار هذا المرض

ولو فرضنا ان اللحم مصاب مثلا مثلا ..وتم طبخه فمش هينقل مرض لان الفيروس هيتقتل بالحرارة

اهم شيء أن الناس تحصن حيواناتهم ضد الحمي القلاعية وجميع الوادي المتصدع .....بالوحدات البيطرية 

المصدر: ادارة البوابة الكترونية بمديرية الطب البيطرى

التاريخ : 17/7/2022