انا لما اجمد اللحم في كيس مفرغ من الهوا و مافيش اي دم او ماية بعد ما غسلت و بردت اللحم .عشان اخرج كيس وافكر ارجع اجمده تاني لازم عملية التسييح تكون في التلاجة بردو مش براها علي اخر رف و دا ليه لو فكيت التجميدة برة مينفعش تتجمد تاني دا غير اني لو غيرت رأيي و ما طبختش اقدر اعيد تجميدها تاني بدون خوف

مستعجلة او فيه ضيوف فجأة ..اطلع الكيس و احطة نص ساعه في حلة ماية باردة ..مقفول زي ما هو ..مجرد بس اتخلص من طبقة التلج ع سطح اللحم او الفراخ ..اللي هي بتبقي عاملة حروق تتليج .لان دي بأقل من القيمة شوية أو افتح حنفيه باردة علي كيس اللحم او الفراخ بالتقليب

ممكن بالميكروييف بشرط اني اخرم الكيس بحيث اتخلص من بخار التتليج و لمدة دقيقة بس مجرد بس دقيقة عشان اتفادي خطورة فقد نصف قيمة البروتين باللحم عن طريق تكسيره بالبلدي يادوب الكيس يفك بتعمل دا كله عشان وقت السلق يضمن وصول درجة الحرارة لكل جزء من اللحم يعني برة وجوة ..عشان اضمن قتل اي ميكروب ممكن يكون موجود في حالة بقي طبخ مباشر دون تسييح التلج ..بيحصل تسوية اللحم من الخارج بس ..يعني قلب اللحم بارد .ودا فيه احتمالية احتواء اي بكتيريا .تكون سبب في تسمم غذائي واهمها البروسيلا و التيفويد...دا غير أن الطعم و الريحة مش هيكونوا طازة

المصدر: ادارة البوابة الالكترونية بمديرية الطب البيطرى

التاريخ : 19/9/2022