تخيل معايا كده دا ممكن مايعرفش يمشي او يغير الشارع خالص علشان شاف كلب قدامه

او يجري وديه بقه كارثة لانه لو جري الكلب هايجري وراءه و ده لان الكلب من طبيعته صياد فها يلحقه و ده ممكن يكون سبب فى ان الكلب يعقره

كل كائن ربنا خلقه في الدنيا ليه دور و الكلاب لها دور مهم جدا في الاتزان البيئي

تخيلوا معايا كده لو الكلاب فجاه اختفت من حياتنا و مبقتش موجوده ايه اللي ممكن يحصل لنا

اقول لحضرتك ان التعابين و الفئران و القوارض هاتزيد و هاتدخل بيوتنا و الثعالب و الذئاب هاتنزل لحضرتك فى الحقول و الغيطان

فالكلاب بتحمينا من كائنات حية كتير و تبعدها عننا زي ما قولنا (التعابين و العقارب و القوارض و التعالب و الذئاب) و حاجات تانية كتير

كمان صوت نباحه العالي بيدل ان فيه حاجة مش طبيعية فيه خطر عاوز ينبهك له زي شخص غريب داخل المنطقة حرامي شاف اي كائن ممكن يهدد حياتك و عشان كده بيقولك خلي بالك انا عاوز مساعدة

ان الكلب بطبعه كائن ودود و بيحب الانسان و في نفس الوقت بيكره و بيدافع عن نفسه لو حس بخطر يهدد حياته او حياة اولاده

نعيد تاني الكلب لن يؤذي غير لما انت تبدأ تهاجمه و تؤذيه

لذلك نعلم اطفالنا مانزعجش كلب ماشي فى حاله او نعاكسه و نحدفه بطوبة و ناخد اولاده منه كل ده خطر و هنا يبدا الكلب فى المهاجمة وده سلوك طبيعي لان حضرتك هددتها

اعرف ان صوت الكلب او نباحه اللي حضرتك بتتايضق منه و تقول ده بيزعج ده بيقي دليل ان فيه خطر شافه و ينادي على اصحابه و عائلته علشان يساعدوه كان مثلا شاف تعبان او ذئب او ينبه حضرتك ان فيه خطر فاصوات الكلاب لها دلائل و كل صوت له معني فمتظلمش الكلب لان الصوت ده حلقة الوصل و الاتصال مع الغير

(الصور توضح هجوم مجموعة من الكلاب على ثعبان و كيفيه التعامل معه و ازاي الكلب شاف الثعبان و جمع اصحابه و اتعاملوا معه)

المصدر : ادارة البوابة الالكترونية بمديرية الطب البيطرى

التاريخ : 16/10/2022