عندنا في عالم المجترات بالذات زي البقر و الجاموس .اللي ليهم كرش يعني مش معدة واحدة بل اربعه و دا لان المجترات دي بتاكل بالبلدي كدا بطريقه التلوييش يعني بتلم الاكل بلسانها زي البرسيم أو مثلا الحڜائش أو التبن .بما فيهم بقي من اي شيء غريب زي مسمار ..او إبرة ..او سلك
في حالة الحاجات دي بتوصل الكرش و تستقر فيه هنا هيحصل خلل في عمليه الهضم لأنها اجسام صلبة و مؤذية فبيحصل اختراق لجزء من المعدة و احيانا الأمعاء .فالحيوان يبطل اكل يفقد الشهية ..يقل اللبن ..يبقي فيه مشاكل في الاجترار ..مشاكل في وظائف الجسم الحيوية ..التهابات معدية حادة
او يحصل أن المسمار مثلا ياخد رحلة كدا جوة البطن لحد ما يوصل للاسف لعضلة القلب و يخترقها و (Traumatic pericarditis) يسبب حاجة اسمها
يعني فشل في وظيفه القلب و ربما موت الحيوان
بيتم الكشف بقي بجهاز اسمه جهاز كشف المعادن ..بتمريره علي جسم الحيوان ..و اول ما يصدر صوت بنعرف من مكان الصوت فين بالظبط المشكلة هل في القلب و لا الكرش
لو كانت في الكرش فقط
هنا بيتم تبليع الحيوان مغناطيس زي الصورة كدا باستخدام مسدس تبليع .ليستقر بالكرش و دوره هو جذب اي مسمار او سلك أو اي حاجة حادة و بعد فترة بيحصل أن بيتلف عليه اكل و مافيش من وجوده اي خطر لحد دبح الحيوان
و دي اصلا طريقه بيعملها اوتوماتيك أصحاب المزارع الكبيرة للامان
أما لو كان وصل للقلب فبيكون الحل هو الدبح
وهنا حكمين
و جود صديد في البريكارديوم حول القلب هو الفيصل لو فيه التصاق بين القلب و غشاؤه مع عدم وجود صديد إعدام القلب فقط أما لو فيه صديد في البريكارديوم إعدام كلي للذبيحه ونصف تعويض بغض النظر عن وجود اعراض علي باقي لحوم الذبيحة ام لا
المصدر : ادارة البوابة الالكترونية بمديرية الطب البيطرى
التاريخ : 8/11/2022